今次就先講下家中幼子呀金仔啦!
話說想當年孫生要離家工作達半年之久, 為怕我一個人孤零零睇唔開就養寵物解下悶咁!
孫生入到寵物店就跟金仔一見鐘情, 其實我自己卻睇中一隻叫KITTY的短毛貓, 可惜孫生對佢冇FEEL啦, 後尾我見到金仔哥做緊特價, 比KITTY平一半, 之後諗左一晚就買左金生。可能金仔知道我因為貪平先買佢, 所以到今日佢都係痴孫生多過痴我的, 真記仇!
我地2011年9月開始養佢, 今年佢已經同我地相處左3年幾啦! 呢3年幾, 佢同我地經歷左好多好多, 2011年孫生求婚時佢係隔離痌屎助慶, 2012年孫生不在家半年佢夜夜陪我瞓, 有次自已爬左出窗外, 嚇得我半死, 2013年見證我跟孫生結婚, 2014年搬到個我渴望已久的家。
我兩每一個stage金仔都見證住, 而佢亦係我地第一次養既寵物 (雖然佢似我地主人多D) 。大部分既時間佢都係瞓同食, 少部分時間係屋企發顛飛來飛去, 更少時間係痴我地, 由於年月累積, 醫生都要佢食減肥糧, 食左年幾, 對上醫生見佢的結論是: 減肥失敗! 金哥, 你真係要反醒下!
孫生間唔中就會同佢影下沙龍, 佢係孫生電腦中有個專屬FILE的 (我都沒有呀呀呀!!!) 金仔各色婀娜多姿的相都有, 有機會同大家開心share下!
Share 一下金少的近照吧!
相名: 他是一只鬆馳熊的喵 ~ ~
***************************************
NOT ONLY BUT ALSO
金仔 not only 叫金仔 but also 叫JOJO家!
金仔小秘密:
佢係寵物店時係叫JOJO家, 都唔知點解人地係男仔, 都改個女仔名既!
金仔好有趣,我都有呢隻鬆馳熊啊!
回覆刪除Haha 多謝收看❤️
刪除