我陽你個陰呀?

話說上星期Happy Hour, 有位朋友講起話睇中醫，醫師要佢戒飲wine, 但可以飲cocktail, 其他人即刻串佢：又會既？朋友就話: 真係家，我都唔知點解，仲叫我唔好食酸野。

"問人妻囉，佢讀緊中醫養生嘛。" 我呢個moment即刻諗點答先夠勁夠pro呢？我啖定咁飲啖sangria 之後, 望一望佢個五官(純屬擺門, 絕無意思)問:你是寒底嗎？（個心好怯，如果話唔係點兜？）好在。。。朋友驚訝問：你點知家？（內心跳起yeah)


其實中醫學說中，什麼都可分陰陽、五行的（經常聽的寒熱底其實都可用陰陽概括），不論食物、臓腑、人體屬性，甚至上下左右都可以分。點解我會認為朋友唔食 得酸野就係寒底？因為食物的五味中:辛、甘是屬陽，而酸、苦、鹹是屬陰，寒底概括來說是陰性體質，所以要避免食同性食物，否則會陽不制陰，令身子更虛。

而點解可以飲cocktail 而不可飲wine? 因為wine是由提子提練，提子味酸，屬陰。因此不適合朋友，因此 cocktail 正確來說也不是種種可以，需避開有酸味才行。不過，如果你問我係咪凡寒底都不可吃酸，那又不一定，需要視乎你的體質去判斷（帶定頭盔先），需知道人體是有 九種體質，如你想知那九種，就待下次分享。

*****************************************************************************
陰陽 not only 分別食物、臓腑、人體，but also 動詞。

上次呀sir 講，凡男性、主動的都是陽，而女性、被動的都是陰。我即刻諗: 用來戒粗口幾好喎，例如係: 我陽你個陰呀？XD