話說我由上年結婚後就開始放棄自己,僅半年已令身型暴脹至前所未有咁重過 (真想燒了那間數字屋, 成日都特價癮人買野!哼!),而孫生那八舊腹肌卻堅挺如昔,而我的......oh my fxxking god! 若然佢第時真的偷食,我可不想像王迪詩咁, 覺得所有男人都在嫖(而不是自己問題)呢! 所以今個星期我決定開‧始‧減‧肥!!!!!除了運動,Lunch
同夜晚都決定食粥,由於街外的粥都不太健康,所以於剛過的weekend我整左個低脂排毒的南瓜雞蓉栗米粥。
呢款粥是我自己配搭既,南瓜粟米可排毒,去水腫,雞肉有豐富蛋白質可增肌肉,而且材料都不用太貴, very good!!
雞肉我會買超市雪藏的雞柳,沒皮又沒脂肪夠健康。如果不是煲粥,我會用香草餣完再焗,用來伴沙律吃又美味又健康。
煲粥呢, 我會先將佢解凍、剁蓉,剁好就用鹽、糖、麻油、糊椒粉*、料理酒*(米酒也可)再餣一會,很多人會用生粉、豉油去餣,不過用來煲粥我就唔建議,因為生粉太多會令粥變糊,而豉油又會令粥變色,賣相就不好看了。
*酒同糊椒粉可用來去雪味,令肉質更鮮。
至於粟米我是堅持用新鮮的,你可能話去逐粒剝好晒時間,不過用新鮮的的確好吃多而且也健康,係到同大家介紹何師奶的方法,非常好用!最後就把南瓜切小塊。
由於我是煮一星期的份(無計啦!平時要翻工,收工翻到屋企最快都成八點半,唯有煮定先。)所以你先見份量咁多,如果你是二至三人份,用以下份量都好足夠:
米 (我用三色米的)一嘜半 (如想稀啲可用一嘜)
水 七至八碗水 (如想稀啲可用多些少)
粟米 一條
南瓜 小半個
雞柳 五至六條
餣料
鹽 大半茶匙
糖 小半茶匙
麻油 半茶匙
糊椒粉、酒 適量
呀媽教落唔好浪費媒氣加慳時間的煮粥方法就是, 先把米、粟米及南瓜與水以大火煲滾, 之後熄火焗廿五分鐘。夠鐘打開蓋用湯勺拌勻, 之後再下雞肉,
用細火煲廿五分鐘, 其間需用湯勺拌勻防黏底, 廿五分鐘之後下鹽就搞掂!
用泡菜拌來吃可說是人間美味呢!!
完
(達哥tone)
************************************************************************
南瓜
not only 排毒 but also 抗氧化
南瓜的確係正野,
除了可排腸內, 腎臟及血液的毒素外, 更可以預防癌症, 延緩衰老,
預防眼疾同血管病家!
不過不過!
如果你知道自己會去晒太陽就避免食啦, 因為會令色素加深家呢~