PR 悲歌- 成日要疏肝

做我地PR呢行，客人至上，每個job都急到賴屎，所以情緒好易起伏（好似琴日個客已經改左一星期既稿係臨出之前都仲要改野!!），為趕deadline可以OT達旦。朋友見我FB 成日去Event、試食、拍啲星仔，唔知以為我好疏肝，其實我個肝都唔知幾鬱結！

"疏肝疏肝" 大家成日都講，不過你又知唔知真正的意思？疏肝其實是中醫名詞，指調理肝臟的治法。肝與心情原來有莫大關係，嬲怒會令肝（火）旺，憂鬱會令肝鬱。所謂肝鬱是指因心情不暢而形成，自己的鬱怒會傷及肝臟，引起失眠，多夢，月經失調，便秘等等。所以嗰期壓力大，受客受嗰啲紅人氣，我就好靈，每次都會失眠加燥底。

所以點解識我的朋友睇我的FB，都見我成日榨汁飲話要排毒，唔知以為我真係好多毒!! 其實就係平時的壓力令肝氣鬱結，而需要多吃高維生素的食物，如：萍果，雪梨，香蕉，檸檬，火龍果等，不過當然你有時間都可以煲個靚湯啦，好似:合掌瓜蘿蔔瘦肉湯咁既好味又經濟，不過你真係好無時間的話，飲下玫瑰花茶、菊花茶都有不錯效果。如果嗰期真係好忙又好燥，我會用貽菊杞子沖蜜蜂飲，再食埋啲杞子，飲完等二日保證一粒眼屎都無！

 
**********************************************************************************
肝鬱其實女性居多，不過 not only 女性啦，but also 男性都有!

*不過「男屬陽，得氣易散；女屬陰，得氣多鬱。」，所以女人情緒會較起伏，
此乃結構性問題，所以孫生唔好成日話我咁易嬲啦!