他媽的女人的男人 II

多年前曾寫過一篇名叫「他媽的女人的男人」來解釋我愛孫生的十個理由，而成為朋友圈中的一時佳話！事隔五年，很多我們之間的生活，感受，狀態都有很多變化，藉著快到情人節，嗱! Jordan老老七七我就送唔起，不過就用我誠意無限的文字來表揚下你吧！

愛孫生的第一個理由

1. 這些年來，你仍然努力不懈的說睡前故事我聽，由從前離不開Mac and 北極熊，到而家充滿Nike 的故事，我說不出有什麼驚喜，不過你卻有創造文學的基本要素，主角每每都係著住一啲你好想要又買不到的新款波鞋去做一啲你好想做的事（例如著唔知Jor幾的鞋而中了一對好難抽到的唔知Jor幾的波鞋), 嗯，沙士比亜都係用寫作來彌補生活缺口的工具的！而家的最新情節係主角著到全身都係Nike好撚貴同好撚難買的Levis落街，而全條街的人都望住佢去買一個外賣，嗯，我個人認為是有一點反高潮，因為他再不是去拎波鞋了而是比較純粹買一個外賣。

愛孫生的第二個理由

2. 曾聽說一個人每天重覆做一件事情，縱然是再微不足道的事都最一種藝術！每天只要是我比孫生起得早，他一開眼就好像從未見過我一般的說：「咦！呢個咪係我老婆？！」他每次説都令我反思自己是咪一夜之間變了很多？他每次問，我每次的反思，不知不覺間就成為相處的藝術。

愛孫生的第三個理由

3. 俾到足夠的自信心我！每次我問他我是咪好肥（由我107磅問到而家12x磅，歷時八年多！)他都會像手指點到火一樣，反彈式答：「哇！點會肥？瘦到睇唔到啦！」令我真的天真的睇唔到自己肥左成廿磅咁撚多！

愛孫生的第四個理由

4. 有人説收藏家都是念舊及長情，孫生都有呢啲特質！我每次想收起羽絨、雜物時都會發現在一些柜頂, 床底都擺滿不同的鞋，每對鞋都是全新，人既腳只有兩只，鞋就愈來愈多，而且買了又唔著只放，又生怕個老婆炸型而收到咁密 (但每次我都搵得到!) 這不是收藏是什麼？令我相信他一定會愛我好久好久，但請不要儲好多個女人來觀賞，皆因生殖工具只有一個。

今日諗住咁多先, 之後再續 ....

5年前我地好青春呀!!